चर्चित सेफ सन्तोष साह हाजिर जमानीमा रिहा भएका छन्।
जिल्ला प्रहरी परिसर काठमाडौंका अनुसार साह सोमबार साँझ हाजिर जमानीमा रिहा भएका हुन्। प्रहरीका अनुसार उनले पीडित पक्षलाई ठगी सम्बन्धी बिगो रकम बुझाएपछि थप हिरासतमा राख्न आवश्यक नदेखिएको हो।
जिल्ला प्रहरी परिसर काठमाडौंका एसपी पवनकुमार भट्टराईले साहले पीडितलाई रकम बुझाएको प्रमाण पेश गरेपछि हाजिर जमानीमा रिहा गरिएको जानकारी दिए।
प्रहरीका अनुसार साहले चार लाख ५० हजार रुपैयाँ बिगो रकम बुझाएका छन्।
यसअघि ठगी सम्बन्धी कसुरमा अनुसन्धानका लागि काठमाडौं उपत्यका अपराध अनुसन्धान कार्यालयको टोलीले उनलाई गत शुक्रबार जनकपुरबाट पक्राउ गरी काठमाडौं ल्याएको थियो।
शकुन्तला अधिकारीको जाहेरीका आधारमा काठमाडौं जिल्ला अदालतबाट पक्राउ पुर्जी जारी भएपछि प्रहरीले साहलाई नियन्त्रणमा लिएको थियो।
उनीविरुद्ध ठगी सम्बन्धी कसुरमा अनुसन्धान प्रक्रिया अघि बढाइएको प्रहरीले जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
